ଦେଶରେ ଟାକ୍ସ ର ସିଙ୍ଗଲ ସିଷ୍ଟମ ଲାଗୁ କରିବା ପାଇଁ ୨୦୧୭ରେ ସରକାର ଜିଏସଟି ଲାଗୁ କରିଥିଲେ । ବର୍ତ୍ତମାନ ସମସ୍ତ ଉତ୍ପାଦ ସମଗ୍ର ଦେଶରେ ସମାନ ଭାବରେ ଜିଏସଟି ଲାଗୁଛି। ହେଲେ ପେଟ୍ରୋଲ-ଡିଜେଲ ହେଉଛି ଏକମାତ୍ର ଏମିତି ଉତ୍ପାଦ ଯାହା ଏ ପର୍ଯ୍ୟନ୍ତ ଏହି ଲିଷ୍ଟରେ ଆଡ୍ ହୋଇନାହିଁ । ଏହି କାରଣରୁ ରାଜ୍ୟ ଏବଂ କେନ୍ଦ୍ର ନିଜ ନିଜ ହିସାବରେ ଟ୍ୟାକ ଏଥିରେ ଆଦାୟ କରନ୍ତି। ଏଥିପାଇଁ ତୈଳ ମୂଲ୍ୟରେ ଏକ ବଡ ତାରତମ୍ୟ ଦେଖିବାକୁ ମିଳେ । ହେଲେ ଜମାଇ ରଖିବୁ ଯେ, ଅନେକ ଦିନ ଧରି ସମସ୍ତେ ପେଟ୍ରୋଲ ଡିଜେଲକୁ ଏହି ସୂଚୀରେ ସଂଯୁକ୍ତ କରିବାକୁ ଦାବି କରି ଆସୁଛନ୍ତି ।
ସେପଟେ ପେଟ୍ରୋଲ ଡିଜେଲ ମୂଲ୍ୟ ହୁ ହୁ ହୋଇ ବଢିବାରେ ଲାଗୁଛି । ବାସ୍ତବରେ ଏସବୁ ଦୃଷ୍ଟିରୁ ଦୀର୍ଘ ଦିନ ଧରି ଜିଏସଟି ଅଧୀନରେ ପେଟ୍ରୋଲିୟମ ଉତ୍ପାଦ ମଧ୍ୟ ଆଣିବା କଥା। ଏହା ଉପରେ ଯେତେବେଳେ ସିବିଆଇସି ଚେୟାରମ୍ୟାନ ବିବେକ ଜୋହରୀଙ୍କୁ ପଚରାଗଲା, ସେ ଏହାର ସିଧାସଳଖ ଉତ୍ତର ଦେଇଥିଲେ।
ସିବିଆଇସି ଅଧ୍ୟକ୍ଷ କହିଛନ୍ତି ଯେ ଭାରତ ବି ଜିଏସଟି ଅଧୀନରେ ପେଟ୍ରୋଲ ଏବଂ ଡିଜେଲ ଭଳି ଉତ୍ପାଦ ଆଣିପାରିବ। ଏହି ପରିପ୍ରେକ୍ଷୀରେ, ବିଶ୍ୱର ଅନ୍ୟ ଦେଶରେ ଚାଲୁଥିବା ମଡେଲକୁ ଗ୍ରହଣ କରାଯାଇପାରିବ। ହେଲେ ଏଥିପାଇଁ ଏକ ଭିନ୍ନ ସୂତ୍ରକୁ ବିଚାର କରିବାକୁ ପଡ଼ିବ। ଦୀର୍ଘ ସମୟ ଧରି ଜିଏସଟି ଅଧୀନରେ ପେଟ୍ରୋଲିୟମ ଉତ୍ପାଦ ଆଣିବା ଉପରେ ଏକ ଆଲୋଚନା ହୋଇଆସୁଛି। ଏହି କାର୍ଯ୍ୟ ମଧ୍ୟ ସମ୍ଭବ ଏବଂ ଏହା ଉପରେ ଅନେକ ଥର ଆଲୋଚନା କରାଯାଇଛି। କିନ୍ତୁ, ଏହି କାର୍ଯ୍ୟ ପୂରଣ କରିବାକୁ, ଆମକୁ ଏକ ବ୍ୟାପକ ଦୃଷ୍ଟିକୋଣରେ ଚିନ୍ତା କରିବାକୁ ଏବଂ କାର୍ଯ୍ୟ କରିବାକୁ ପଡ଼ିବ।
ମନି କଣ୍ଟ୍ରୋଲ ବିଷୟରେ ବିବେକ ଜୋହରୀ କହିଛନ୍ତି ଯେ ପେଟ୍ରୋଲିୟମ ଉତ୍ପାଦ ଉପରେ ଜିଏସଟି ଲାଗୁ ହେବା ସତ୍ତ୍ୱେ ଏଥିରେ ଥିବା ଟ୍ୟାକ୍ସକୁ ଦୁଇ ଭାଗରେ ବିଭକ୍ତ କରିବାକୁ ପଡ଼ିବ। ଏହା ଅଧୀନରେ ରାଜ୍ୟମାନଙ୍କୁ ଅନୁମୋଦନ କରିବାକୁ ହେବ ଯେ ସେମାନେ ସେମାନଙ୍କର ରାଜସ୍ୱ ପାଇଁ ଟ୍ୟାକ୍ସ ଆଦାୟ କରିପାରିବେ।
ଜୋହରୀଙ୍କ ହିସାବରେ, ଯଦି ପେଟ୍ରୋଲ ଏବଂ ଡିଜେଲ ଉପରେ ୧୨ କିମ୍ବା ୧୮ ପ୍ରତିଶତ ଜିଏସଟି ଲାଗୁ କରାଯିବା ଉଚିତ୍, ତେବେ ମୁଁ ଭାବୁ ନାହିଁ ଯେ କୌଣସି ରାଜ୍ୟ ଏଥିରେ ରାଜି ହେବେ । ଏହାର କାରଣ ହେଉଛି, ବର୍ତ୍ତମାନ ଏଥିରୁ ରୋଜଗାର ବହୁତ ଅଧିକ ରହିଛି। ବର୍ତ୍ତମାନ ଏହି ମଡେଲ କୌଣସି ଦେଶରେ ନାହିଁ ଏବଂ ଏହାକୁ କାର୍ଯ୍ୟକାରୀ କରିବା ପାଇଁ ରାଜ୍ୟମାନଙ୍କ ସହ ଆଲୋଚନା କରିବା ସହିତ ସେମାନଙ୍କ ସର୍ତ୍ତରେ ମଧ୍ୟ ସହମତ ହେବାକୁ ପଡ଼ିବ। ଦୁନିଆର ଅନେକ ଦେଶରେ ଜିଏସଟି ବର୍ତ୍ତମାନ ମଦ, ତମାଖୁ, ସିଗାରେଟ୍ ଇତ୍ୟାଦି ହାନିକାରକ ଦ୍ରବ୍ୟ ଉପରେ ଅଧିକ ହାରରେ ଚାର୍ଜ କରାଯାଏ। ସମାନ ହାରରେ ଇନ୍ଧନ ମଧ୍ୟ ଟ୍ୟାକ୍ସ କରାଯାଏ। କହିବାକୁ ଗଲେ, ଭାରତରେ ଜିଏସଟିର ଉଚ୍ଚ ହାର ହେଉଛି ୨୮ ପ୍ରତିଶତ। କିନ୍ତୁ, କେବଳ ଏହି ହାର ପ୍ରୟୋଗ କଲେ ରାଜ୍ୟଗୁଡ଼ିକର ରୋଜଗାର ପ୍ରଭାବିତ ହେବ ବୋଲି ସେ କହିଛନ୍ତି ।
ପେଟ୍ରୋଲ ଓ ଡିଜେଲ ଉପରେ ଜିଏସଟି ଲାଗୁ କରିବାକୁ ଲମ୍ବା ସମୟ ଧରି ଚର୍ଚ୍ଚା ହୋଇଆସୁଛି । ହେଲେ ରାଜ୍ୟଗୁଡିକ ଏହାଉପରେ କଡା ବିରୋଧ ପ୍ରଦର୍ସନ କରୁଛନ୍ତି । ସେମାନଙ୍କ କହିବା ହିସାବରେ, ଯିଦ ଜିଏସଟରେ ଇନ୍ଧନ ସାମିଲ ହୁଏ, ତେବେ ରାଜସ୍ୱ ଆଦାୟ ଉପରେ ଏହାର ବଡ ପ୍ରଭାବ ପଡିବ । ରାଜ୍ୟ ଏବେ ଇନ୍ଧନ ଓ ଆଲକହଲ ଉପରେ ନିଜର ଟାକ୍ସ ଲଗାଉଛନ୍ତି । ହେଲେ ଜିଏସଟି ଲଗାଇବାର ନୂଆ ଫର୍ମୁଲା ରାଜ୍ୟଗୁଡିକୁ ହୁଏତ ପସନ୍ଦ ଆସିପାରେ ବୋଲି କୁହାଯାଇପାରେ ।
