ଚୀନ ଓ ଜାପାନ ସହ ଅନେକ ଦେଶରେ ଏବେ ବଢିବାରେ ଲାଗିଛି ଜନସଂଖ୍ୟା । ହେଲେ କାମ କରିପାରୁଥିବା ବୟସର ଜନସଂଖ୍ୟା ହ୍ରାସ ପାଉଛି । ଏହି ସଙ୍କଟର ମୁକାବିଲା ପାଇଁ ଏଠାକର ସରକାର ଅଧିକ ସନ୍ତାନ ଜନ୍ମ କରିବାକୁ ଲୋକଙ୍କୁ ଚାପ ପକାଉଛନ୍ତି । ଏଥିପାଇଁ ସରକାର ଅନେକ ପ୍ରକାରର ପ୍ରୋତ୍ସାହନ ଦେଉଛନ୍ତି, କେତେକ ସ୍ଥାନରେ ଲକ୍ଷ ଲକ୍ଷ ଟଙ୍କା ମଧ୍ୟ ଦିଆଯାଉଛି । ତେବେ ଚାଇନାର ଏକ ଟ୍ରାଭେଲ କମ୍ପାନୀ ଏହାର କର୍ମଚାରୀଙ୍କ ପାଇଁ ସବୁଠାରୁ ଭିନ୍ନ ଅଫର ଆଣିଛି । କମ୍ପାନୀର କହିବା ମୁତାବକ , ଜୁଲାଇ ୧ ତାରିଖରୁ ସେମାନେ ସେମାନଙ୍କର ସମସ୍ତ କର୍ମଚାରୀଙ୍କୁ ୫୦,୦୦୦ ୟୁଆନ୍ ଅର୍ଥାତ୍ ପ୍ରାୟ ୫ ଲକ୍ଷ ୬୬ ହଜାର ପ୍ରଦାନ କରିବ । ପ୍ରତ୍ୟେକ ପିଲା ୫ ଲକ୍ଷ ୬୬ ହଜାର ଟଙ୍କା ପାଇବାକୁ ଯୋଗ୍ୟ ହେବେ ।
କହିବାକୁ ଗଲେ କୌଣସି ଘରୋଇ କମ୍ପାନୀର ଏହା ହେଉଛି ସବୁଠାରୁ ବଡ ପଦକ୍ଷେପ । ଏକ ରିପୋର୍ଟ ଅନୁଯାୟୀ, ଟ୍ରିପ ଡଟ୍ କମ୍ ର କାର୍ୟ୍ୟନିର୍ବାହୀ ଅଧ୍ୟକ୍ଷ ଜେମ୍ସ ଲିଆଙ୍ଗ କହିଛନ୍ତି, “ମୁଁ ସର୍ବଦା ପରାମର୍ଶ ଦେଇଛି ଯେ ସରକାର ଅଧିକ ସନ୍ତାନ ଥିବା ପରିବାରକୁ ସାହାଯ୍ୟ କରିବା ଉଚିତ୍ । ସେମାନଙ୍କୁ ସମସ୍ତ ପ୍ରକାର ସୁବିଧା ଯୋଗାଇଦେବା ଉଚିତ, ବିଶେଷକରି ଟଙ୍କା ଦେବା ଉଚିତ୍ । ଯାହାଦ୍ୱର ଯୁବକମାନଙ୍କ ମଧ୍ୟରେ ଅଧିକ ସନ୍ତାନ ଜନ୍ମ କରିବା ପାଇଁ ଇଚ୍ଛା ଜାଗ୍ରତ ହେବ । ଘରୋଇ କମ୍ପାନୀଗୁଡିକ ନିଶ୍ଚିତ ଭାବରେ ଏହି ପ୍ରୟାସରେ ଅଂଶଗ୍ରହଣ କରିବେ ।” ବିଶ୍ୱର ସର୍ବବୃହତ ଅନ୍ଲାଇନ୍ ଟ୍ରାଭେଲ୍ ଏଜେନ୍ସି ମଧ୍ୟରୁ ଗୋଟିଏ ହେଉଛି ଟ୍ରିପ ଡଟ୍ କମ୍ । ଲିଆଙ୍ଗ କହିଛନ୍ତି, ଆମେ ଆମ କର୍ମଚାରୀଙ୍କ ଦ୍ୱାରା ଜନ୍ମ ହୋଇଥିବା ପ୍ରତ୍ୟେକ ପିଲାଙ୍କୁ ପାଞ୍ଚ ବର୍ଷ ପାଇଁ ପ୍ରତିବର୍ଷ ୧୦,୦୦୦ ୟୁଆନ୍ ଦେବାକୁ ନିଷ୍ପତ୍ତି ନେଇଛୁ । କମ୍ପାନୀ ଏହି ପଦକ୍ଷେପ ଉପରେ ୧ ବିଲିୟନ ୟୁଆନ୍ ଖର୍ଚ୍ଚ କରିବ।”
କହିରଖିବୁ ଯେ, ୧୯୮୦ ରୁ ୨୦୧୫ ପର୍ୟ୍ୟନ୍ତ ଚୀନ୍ର ଗୋଟିଏ ଶିଶୁ ନୀତି କାର୍ୟ୍ୟକାରୀ ହୋଇଥିଲା । ଫଳସ୍ୱରୂପ, ବିଶେଷଜ୍ଞମାନେ ବିଶ୍ବାସ କରନ୍ତି ଯେ ଚୀନ୍ ସମୃଦ୍ଧ ହେବା ପୂର୍ବରୁ ଏକ ବାର୍ଦ୍ଧକ୍ୟ ସମାଜରେ ପରିଣତ ହେବ, କାରଣ ଏହାର କର୍ମଜୀବୀ ହ୍ରାସ ପାଇବାରେ ଲାଗିଛନ୍ତି । ବୃଦ୍ଧି ଜନସଂଖ୍ୟା ପାଇଁ ଖର୍ଚ୍ଚ ବୃଦ୍ଧି ପାଉଛି । ଗତ ବର୍ଷ ଚାଇନାର ଜନ୍ମ ହାର ହ୍ରାସ ପାଇ ୧୦୦୦ ଲୋକରେ ହୋଇଥିଲା ୬.୭୭, ଯାହା ୨୦୨୧ ମସିହାରେ ୭.୫୨ ରୁ ଏକ ରେକର୍ଡ ସୃଷ୍ଟି କରିଥିଲା । ଅଧିକାରୀ କହିଛନ୍ତି ଯେ ୨୦୨୧ ମସିହାରେ ଦମ୍ପତିମାନେ ସର୍ବାଧିକ ତିନୋଟି ସନ୍ତାନ କରି ପାରିଥାନ୍ତେ । କିନ୍ତୁ ବିଭିନ୍ନ କାରଣରୁ ଯୁବକମାନେ ସନ୍ତାନ ଜନ୍ମ କରିବାକୁ ଆଗ୍ରହୀ ନୁହଁନ୍ତି । ସେଥିପାଇଁ ସରକାର ବିଭିନ୍ନ ଯୋଜନା ଘୋଷଣା କରିଛନ୍ତି । ଯୁବକମାନେ ଅନୁଭବ କରନ୍ତି ଯେ ପିଲାମାନଙ୍କର ଯତ୍ନ ନେବା ଓ ସେମାନଙ୍କୁ ଶିକ୍ଷା ଦେବା ସେମାନଙ୍କ ନିୟନ୍ତ୍ରଣ ବାହାରେ ।
ଏହାପୂର୍ବରୁ, ଟେକ୍ କମ୍ପାନୀ ବେଜିଂ ଡାବିନୋଙ୍ଗ ଟେକ୍ନୋଲୋଜି ଗ୍ରୁପ୍ ଯେଉଁମାନଙ୍କର ତୃତୀୟ ସନ୍ତାନ ହେବ ସେମାନଙ୍କ ପାଇଁ ୯୦୦,୦୦୦ ୟୁଆନ୍ ଅର୍ଥାତ୍ ପ୍ରାୟ ୧୧.୫୦ ଲକ୍ଷ ଟଙ୍କା ପୁରସ୍କାର ଘୋଷଣା କରିଥିଲା । କହି ରଖୁଛୁ ଯେ ଚାଇନାରେ ଶିଶୁ ବୋନସ, ବର୍ଦ୍ଧିତ ଦରମା ଛୁଟି, ଟ୍ୟାକ୍ସ ଛାଡ଼ ଓ ଶିଶୁ ପୋଷଣ ପାଇଁ ସବସିଡି ଭଳି ପ୍ରୋତ୍ସାହନ ଦିଆଯାଉଛି । ତେବେ ଦର୍ଶକବନ୍ଧୁ ଏହି ଖବର ଉପରେ ଆପଣଙ୍କ ମତାମତ କଣ ଆମକୁ କମେଣ୍ଟ କରି ନିଶ୍ଚୟ ଜଣାନ୍ତୁ ।
