ବିଦେଶ ଯାତ୍ରା କରିବାକୁ କିଏ ପସନ୍ଦ କରନ୍ତି ନାହିଁ । ଅନେକ ଥର ଯେତେବେଳେ ଆମେ କୌଣସି ସ୍ଥାନକୁ ବୁଲିବାକୁ ଯାଆନ୍ତି, ଆମେ ଏଠାରେ ରହି ଯିବାକୁ ଇଚ୍ଛା କରନ୍ତି । ସେଠିକାର ପରିବେଶ ଆମକୁ ଆକୃଷ୍ଟ କରେ ସେଠାରେ ରହିଯିବାକୁ । ହେଲେ ଟିକିଏ ଭାବନ୍ତୁ ଯଦି ସେଠାରେ ରହିବାକୁ ଆପଣକୁ ଲକ୍ଷ ଲକ୍ଷ ଟଙ୍କା ମିଳେ ତାହେଲେ ଆପଣ କଣ କରିବେ । ଧରି ନିଅନ୍ତୁ ଯଦି ସେଠାରେ ଥିବା ସରକାର ଆପଣଙ୍କୁ ସବୁଦିନ ପାଇଁ ରହିବାକୁ ପ୍ରସ୍ତାବ ଦିଅନ୍ତି ଏବଂ ଆପଣଙ୍କୁ ଟଙ୍କା ମଧ୍ୟ ଦିଅନ୍ତି ? ତେବେ ଆପଣ କଣ କରିବେ ? ନିହାତି ଭାବରେ ଆପଣଙ୍କ ମନରେ ଅନେକ ପ୍ରକାର ପ୍ରଶ୍ନ ଆସିବ । କଣ କରିବେ କଣ ନାଇଁ ଭାବି ଆପଣ ଦ୍ବନ୍ଦରେ ବି ପଡିଯିବେ । ବାସ୍ତବରେ ଏମିତି ହେବା ବି ସ୍ୱାଭାବିକ କଥା । ହେଲେ ଆମେ କହିବୁ ଆଜ୍ଞା ହଁ ଏପରି ସତରେ ହିଁ ଘଟୁଛି ।
ଏପରି ଏକ ଦେଶ ରହିଛି ଯେଉଁଠିକାର ସରକାର ତାଙ୍କ ଦେଶରେ ଆପଣଙ୍କୁ ସବୁଦିନ ରହିବାକୁ ଅନୁମତି ଦେଉଛନ୍ତି ଏବଂ ଏଥି ସହିତ ଟଙ୍କା ମଧ୍ୟ ଦେଉଛନ୍ତି । ଦର୍ଶକ ବନ୍ଧୁ ଆମେ କହୁଛୁ ଆୟର୍ଲାଣ୍ଡ ବିଷୟରେ । ଆୟର୍ଲାଣ୍ଡ ସରକାର ଏଠାରେ ରହୁଥିବା ଲୋକଙ୍କୁ ୭୧ ଲକ୍ଷ ଟଙ୍କା ପ୍ରଦାନ କରୁଛନ୍ତି । ଆୱାର ଲିଭିଙ୍ଗ ଆୟର୍ଲାଣ୍ଡ ନୀତି ଅନୁଯାୟୀ ଏହି ଅଫର ଦିଆଯାଉଛି । ବାସ୍ତବରେ ଆୟର୍ଲାଣ୍ଡ ସରକାର ଏହାର ଦ୍ୱୀପପୁଞ୍ଜରେ ଜନସଂଖ୍ୟା ବୃଦ୍ଧି କରିବାକୁ ଚାହୁଁଛନ୍ତି । ଏଥିପାଇଁ ଏହି ଯୋଜନା କରିଛନ୍ତି ପ୍ରସ୍ତୁତ । ନୂତନ ବାସିନ୍ଦାଙ୍କୁ ଏଠାରେ ବସବାସ ପାଇଁ ସରକାର ୭୧ ଲକ୍ଷ ଟଙ୍କା ଦେଉଛନ୍ତି। ଏହି ଯୋଜନାର ଉଦ୍ଦେଶ୍ୟ ହେଉଛି ଆୟର୍ଲାଣ୍ଡର ୩୦ ଦ୍ୱୀପପୁଞ୍ଜରେ ପରିତ୍ୟକ୍ତ ସମ୍ପତ୍ତିର ବ୍ୟବହାର ଏବଂ ପୁନରୁଦ୍ଧାର କରିବା । ତେବେ ଏହି ଯୋଜନାରେ କିଛି ସର୍ତ୍ତ ମଧ୍ୟ ରହିଛି । ଏହି ଯୋଜନାର ଲାଭ ଉଠାଇବାକୁ, ଆପଣଙ୍କୁ ଆୟର୍ଲାଣ୍ଡର ଦ୍ୱୀପପୁଞ୍ଜରେ ଏକ ସମ୍ପତ୍ତି କିଣିବାକୁ ପଡିବ । ଏହା ୧୯୯୩ ପୂର୍ବରୁ ନିର୍ମିତ ଏବଂ ଅତି କମରେ ୨ ବର୍ଷ ପାଇଁ ଖାଲି ଥିବା ଏକ ସମ୍ପତ୍ତି ହେବା ଉଚିତ୍ । ଏହି ଯୋଜନାରେ ପ୍ରାପ୍ତ ୭୧ ଲକ୍ଷ ଟଙ୍କା ଘର ମରାମତି, ସାଜସଜ୍ଜା ଇତ୍ୟାଦିରେ ବ୍ୟବହାର କରାଯାଇ ପାରିବ ।
କେମିତି କରିବେ ପଞ୍ଜୀକରଣ ? କହିରଖିବୁ ଯେ, ଆୟର୍ଲାଣ୍ଡ ପାଇଁ ୭୧ ଲକ୍ଷ ଯୋଜନା ୧ ଜୁଲାଇରୁ ଆରମ୍ଭ ହୋଇଛି । ଏହି ଯୋଜନାରେ ୩୦ ଅଗଷ୍ଟ ପର୍ୟ୍ୟନ୍ତ ପଞ୍ଜୀକରଣ କରିପାରିବେ । ଯେଉଁମାନଙ୍କର ଆୟର୍ଲାଣ୍ଡକୁ ଭିସା ଅଛି ସେମାନେ ଏହି ଯୋଜନାରେ ପଞ୍ଜିକରଣ କରିପାରିବେ। ତେବେ ଏହି ଯୋଜନା ପାଇଁ ସର୍ବନିମ୍ନ ବୟସ ସୀମା ୧୮ ବର୍ଷ ରହିଛି । ଏଥିପାଇଁ କାଗଜପତ୍ର ଭାବେ ପାସପୋର୍ଟ, ଭିସା, ବୟସ ପ୍ରମାଣପତ୍ର, ଶିକ୍ଷାଗତ ଯୋଗ୍ୟତା, ମୂଳ ଠିକଣା, ଆୟ,କାର୍ୟ୍ୟ ଦକ୍ଷତା ଏବଂ ଆଇଡି ପ୍ରମାଣପତ୍ର ଆଦି ଜରୁରୀ ।
ତେବେ ଦର୍ଶକବନ୍ଧୁ ଯଦି ଆପଣ ସେଠାରେ ରହିବାକୁ ଚାହୁଁଛନ୍ତି ତେବେ ତୁରନ୍ତ ଏଥିପାଇଁ ପ୍ରସ୍ତୁତି ଆରମ୍ଭ କରି ଦିଅନ୍ତୁ । କାରଣ ଆପଣଙ୍କ ପାଖରେ ବହୁତ କମ ସମୟ ରହିଲା ।
