କକରୋଚ୍ ଜନତା ପାର୍ଟିର କାହାଣୀ ଏବେ ବଡ଼ ପର୍ଦ୍ଦାରେ…ଆସନ୍ତାବର୍ଷ କରିବ ମୁକ୍ତିଲାଭ
ଦିଲ୍ଲୀ : ଭାରତୀୟ ରାଜନୀତିର ଏକ ଚର୍ଚ୍ଚିତ ଆନ୍ଦୋଳନ ଏବେ ବଡ଼ ପର୍ଦ୍ଦାରେ ଆସିବାକୁ ଯାଉଛି । ଦିଲ୍ଲୀର ଜନ୍ତର-ମନ୍ତରରେ ହୋଇଥିବା “କକରୋଚ୍ ଜନତା ପାର୍ଟି ଆନ୍ଦୋଳନ”କୁ ଆଧାର କରି ନିର୍ମାଣ ହେଉଛି ଏକ ନୂଆ ଫିଲ୍ମ। ଦେଶସାରାର ଯୁବକମାନେ ଏହି ଆନ୍ଦୋଳନର ଅଂଶବିଶେଷ ହୋଇଥିଲେ ଏବଂ ସରକାରଙ୍କଠାରୁ ଶିକ୍ଷାମନ୍ତ୍ରୀଙ୍କ ଇସ୍ତଫା ଦାବି କରାଯାଇଥିଲା। ଏହି ସମୟରେ ଏବେ ଶୁଣିବାକୁ ମିଳୁଛି ଯେ ଏହି ବିକ୍ଷୋଭ/ପ୍ରତିବାଦ ଉପରେ ଏକ ସିନେମା ନିର୍ମାଣ କରାଯିବ। ଫିଲ୍ମର ନାମଠାରୁ ଆରମ୍ଭ କରି ଏହାର ବଜେଟ୍ ମଧ୍ୟ ସ୍ଥିର କରାଯାଇସାରିଛି। ୨୦୨୭ରେ ଏହା ମୁକ୍ତିଲାଭ କରିବ ବୋଲି ସୂଚନା ମିଳିଛି। ତେବେ ଏହି ଫିଲ୍ମରେ କେଉଁମାନେ ଅଭିନୟ କରିବେ ତାକୁ ନେଇ ଚାଲିଛି ଚର୍ଚ୍ଚା ।
“କକରୋଚ୍ ଜନତା ପାର୍ଟି ଆନ୍ଦୋଳନ”କୁ କେନ୍ଦ୍ର କରି ନିର୍ମାଣ ହେଉଥିବା ଏହି ଫିଲ୍ମକୁ ନେଇ ଏବେଠାରୁ ଚର୍ଚ୍ଚା ଆରମ୍ଭ ହୋଇଛି। ନିର୍ମାତାଙ୍କ ସୂଚନା ଅନୁଯାୟୀ, ଫିଲ୍ମଟି ୨୦୨୭ ମସିହାରେ ସିନେମା ହଲ୍ରେ ମୁକ୍ତିଲାଭ କରିବ। ଫିଲ୍ମର କାହାଣୀରେ ଆନ୍ଦୋଳନର ପୃଷ୍ଠଭୂମି, ସେତେବେଳର ରାଜନୈତିକ ପରିସ୍ଥିତି ଏବଂ ସାମାଜିକ ପ୍ରଭାବକୁ ଉପସ୍ଥାପନ କରାଯିବ ବୋଲି କୁହାଯାଉଛି।
ତେବେ ଫିଲ୍ମରେ କେଉଁ କଳାକାର ଅଭିନୟ କରିବେ, ସେନେଇ ନିର୍ମାତା ପକ୍ଷରୁ ଏପର୍ଯ୍ୟନ୍ତ କୌଣସି ଆଧିକାରିକ ଘୋଷଣା କରାଯାଇନାହିଁ। ଅଭିନେତା ଓ ଅଭିନେତ୍ରୀଙ୍କ ନାମ ନେଇ ବିଭିନ୍ନ ଚର୍ଚ୍ଚା ଚାଲିଥିଲେ ମଧ୍ୟ, ଆଧିକାରିକ ତାଲିକା ପ୍ରକାଶ ପାଇବା ପରେ ହିଁ ସ୍ପଷ୍ଟ ଚିତ୍ର ସାମ୍ନାକୁ ଆସିବ। ଫିଲ୍ମର ଟିଜର ଓ ଷ୍ଟାରକାଷ୍ଟ ଘୋଷଣାକୁ ନେଇ ଦର୍ଶକଙ୍କ ମଧ୍ୟରେ ଉତ୍ସାହ ବଢ଼ୁଥିବା ବେଳେ, ୨୦୨୭ରେ ଏହି ଫିଲ୍ମ ବକ୍ସ ଅଫିସରେ କେତେ ସଫଳତା ପାଇବ, ତାହା ଦେଖିବାକୁ ବାକି ରହିଲା ।
